公視新聞網 https://news.pts.org.tw/article/679542 舊曆12/24送神兼筅[黑屯] 掌握鋩角保氣運、過好年 發布時間：2024-02-02 19:15 更新時間：2024-02-02 19:32 呂尚儒 莊浚佑 / 臺北報導 https://www.youtube.com/watch?v=70FzNW_auDg 明仔載就是舊曆12月24，有人講24送人，共神明送轉去天庭歇過年，紲落民眾會筅[黑屯] ，共厝內和神明廳摒予清氣，毋過專家嘛提醒筅[黑屯]摒掃有鋩鋩角角著愛注意，新的一 年才會平安順序。（此則新聞標題、導言、內文皆為臺語文。） 拜六就是舊曆12月24，佇咧臺灣民俗內底，這是送神明轉天庭奏職、歇過年的日子，家家 戶戶也會佇這工筅[黑屯]，民俗專家溫宗翰表示筅[黑屯]除了厝內大摒掃，神明廳的部份 ，嘛會共香爐、神尊、神明漆仔等等，用筅仔、桌布共坱埃、香煙摒予清氣。毋過，專家 提醒講，咧清香爐的時毋通共振動著，香烌若傷滇會使用湯匙共[舌斗]出來。 臺灣民俗專家 溫宗翰 清這个香爐的時陣 咱會先共內底的香枝抽出來 抽出來了後 咱才閣共內底的香烌共伊揤揤咧 揤予算做共踅予按呢圓圓 你嘛袂使共揤傷落去 因為咱佇咧香爐的觀念 咱插香插會鬆 趁錢較輕鬆 所以咱佇咧香爐內底的香烌 上好是鬆鬆按呢 另外，筅[黑屯]這兩字是欲按怎寫咧？一般中文會借臺語音，寫做「清屯」、抑是「清塵 」，毋過，若照教育部臺文的推薦用字，「筅[黑屯]」應該寫做竹字頭的筅、黑字爿的[ 黑屯]，咱來聽臺語老師按怎解說。 臺語老師 林綉華 這字筅就是有清潔的意思 清除的意思 譬論講咱講雞毛筅 用雞毛筅共坱埃筅掉 [黑屯]嘛有就是包括坱埃 薰油 像講尪架桌頂懸咱有排香爐有香烌 遐的咱攏會當叫做[黑屯] 咱的臺灣俗語內底閣有一句「大摒厝，較會富」，通常佇咧24送神以後，就會開始大摒掃 ，民俗專家表示，佇咧臺灣民俗內底一般會對厝外摒入來厝內，代表講共外口的錢財、氣 運攏掃進厝內底，這嘛是濟濟民眾對新年的向望。 洪家馨/編輯 -- ※ 發信站: 批踢踢實業坊(ptt.org.tw), 來自: 111.255.116.178 (臺灣) ※ 文章網址: https://ptt.org.tw/Gossiping/M.1706875716.A.955

→ Osmium: 這中文跟我學的不太一樣== 27.242.100.188 02/02 20:09

→ graduate3c: 晏啲不如我地去打邊爐好冇？ 75.85.159.149 02/02 20:11

→ jma306: 清屯 114.26.91.40 02/02 20:12

→ next1118: 李夕勒宮啥毀 1.171.137.72 02/02 20:15